subok

sabi nila masasaktan lang daw ako

sabi nila tumigil na daw ako

sabi ko naman, di na baleng masaktan na ako

sinubok ko naman para wala ang mga pag-aalinlangan

sinubok ko naman na mangyari ang tayong inaasam

kung di uukol eh di wala tayong magagawa

kung uukol eh di masaya 

ang mahalaga ay sinubok at ang mga sana ay nawala na

mga hadlang at pagsisisi na iniisip sa kinabukasan na di pa sigurado




----tsaka ko na to aayusin.

berde

Hindi maiwasang umasa

Sa mga oras na kasama ka

Nararamdaman na ako'y nangagnako sa wala

Isang pangarap na parang bula

Ninanais kong di pakawalan

Ngunit nang aking sinubok na hawakan

Biglaan na lang akong nawalan

Hindi ko masabing ako'y malungkot

Ngunit hindi ko masabing ako ay tunay na masaya

Patawad kung di ako makuntento kung ano tayong dalawa

Patawad kung minamahal na kita

----Tsaka ko na lang aayusin to.

gitling

kuwit,

isang pahinga,

maikli,

pahapya,

ngunit may haba.


tuldok,

nagbibigay diin,

isang tigil,

naghihinto,

tumatapos,


kuwit,

parang isang palugit,

humihingi ng oras,

ng pasensya at ng pagtitiis.


tuldok,

gumagapos sa salita,

tinitigil ang mga kataga,

isang kantang biglang nawala.