once...

Everyone says goodbye. We part with a friend or a lover. But what should we do to make the parting beautiful? We have to be loyal to the process. We dare to say it is a beautiful goodbye. We remember it as a memory to be cherished not a moment that passed. It may be over but be happy that it happened.

keyk

Naalala kita bespren.

Alam mo ang iniisip ko kung kailan tayo huling kumain ng keyk. O kung kailan tayo hulng nagluto ng spaghetti. Naaalala ko lang na parang kailan lang yun tapos ikaw ngayon eh wala na.

Wasak.

Tumatawa ako dito pero di ko matago yung pakiramdam na gusto ko lang mabalikan na meron akong bespren na kayang balikan sa amin. O kaya yung lola ko na naghihintay sa akin. O yung uncle ko na magluluto at magkakatay ng manok para sa amin.

Maliit na bagay pero masakit kung mawawala sayo.

Iyak.

Naaalala ko po kayo Papa.

Pa, naalala ko nung bata ako na nagpalit na ako ng damit para sa bertdey ni Ate tapos sabi mo na di ako invited. Tapos umiyak ako ng umiyak tapos pumasok ako sa bahay at ayaw ko kayong papasukin. Sinarado ko pa yung sarili ko sa loob ng mga case ng Coke. Tapos ikaw pumunta ka sa akin tapos binuhat mo akong umiiyak na pumunta sa baha ninyo. Naalala ko yung keyk na handa ni Ate.

Awtsu,

Ma, naaalala ko po kayo.

Ma, naalala mo nung sa ilalim tayo ng puno ng mangga nung brthday mo tapos may keyk na dinala si Papuy at Ate Baba. Sabi mo bigyan ka namin ng plato tapos binigyan ka na rin namin ng keyk pero sabi mo konti lang. Ma, naalala ko po yung time na bumoto kayo nung last election. Sabi ninyo at least natry ninyo yung automated elections. Tinulak daw kayo ni Mami papunta sa school nun kasi sabi niya minsan lang daw yun. Ma, naalala ko rin nun yung bata pa ako tapos pag aalis kami nila Mommy, Daddy at Kuya sasabihin namin sa iyo: "Ma, me kami na!" Naalala ko na siguro sasbaihin, "O!" o kaya tatango ka lang.


Ar, Ma, Pa, namimiss ko po kayo. Parang di kumpleto yung uwi ko sa atin kung di ko kayo kasama. Pa, namimiss ko po yung tatawagin mo kami sa bahay ninyo tapos kakain lang po tayo. Ma namimiss ko yung matutulog kami sa bahay tapos magtotong-its lang po kami hanggang antukin o may mag-away. Ar, namimiss ko yung pupunta ako sa inyo na naglalakad tapos gagawin natin kahit anong maisip natin.

Kung nasaan po kayo. Namimiss ko po kayong tatlo. Umiiyak po ako ngayon. May report po ako bukas sa 101 tapos baka mawasak kami dun pero ok lang. Namimiss ko po kayo. Ingat po kayo palagi. Ipagdasal po ninyo ako dahil malapit na kayo sa kanya. Ipinagdadasal ko din po kayo.

Ar, labshu espren.

Pa, I love you po.

Ma, I love you very much,