Bakit di ko masabi sayo na ikaw lang ang iniisip ko noong nakaraang bakasyon? Bakit di ko masabi sayong hindi ko lubos maisip na matagal tayong di nagkita? Bakit di ko masabi sayong ang nakaraang dalawang linggo ay ang nagmistulang magpakailanman na wala ka? Bakit di ko masabing mahal na kita?

Hinintay ko ang pagbabalik natin sa paaralan upang sabihin sayo ang aking narramdaman ngaunit ngayon at ikaw ay aking nakakasama at nakikita bakit di ko masambit ang mga salita na tinago at nais ibalita? Di man lang makamusta ang iyong nakaraang bakasyon at kung kamusta naman ang iyong bagong taon? Miss na kita pero bakit?

Malayo man sa isat-isa,
Kayo pa rin at magkasama,
Sa gabing payapa'y sa langit nakatingala,
Pinagbubuklod at magkasama sa ilalim ng mga tala.

Mga bansa man ay sa inyo'y namamagitan,
Bawat isa ma'y di masilayan,
Tandaan ang inyong binitawang sumpaan,
Na di mapapaghiwalay kahit pa ng kamatayan.

Pagsasama man ay kailangang lisanin,
Taon man ang inyong bilangin,
Panahon may ang pangako ninyo ay subukin,
Pagmamahal sa isa't-isa ay alalahanin.

Siya man kaingang OFW ang pasukan,
Alalahanin na kayo ay nagmamahalan,
Isang patunay ang inyong kasalan,
Pangakong mabubuhay magpakailan man.